Кликни Безбедно! – Хакатон

Овој хакатон беше посветен на побезбедно користење на интернетот и унапредување на дигиталната писменост кај децата и младите.

Со гордост објавуваме дека на 10 и 11 мај го реализиравме првиот средношколски хакатон „Кликни Безбедно!“ во рамки на проектот MKSafeNet – Национален центар за побезбеден интернет.

На хакатонот учествуваа 7 енергични и инспиративни тимови од средните училишта од целата држава, кои понудија иновативни и креативни едукативни дигитални решенија за побезбедно користење на интернетот. Под менторство на стручни лица и експерти, тимовите работеа со голема посветеност и ентузијазам, претставувајќи решенија од млади – за млади.

Голема благодарност до:

• сите ученици за нивниот труд и иновативност
• менторите за нивната поддршка и менторство
• судиите, проектни партнери и сите останати поддржувачи кои го направија овој настан возможен.

Специјални честитки до трите најдобри тима:

• Тим Cyber01 – СОТУ „Ѓорѓи Наумов“ – Битола
• Тим CyberForge – СОУ „Гошо Викентиев“ – Кочани
• Тим TechnoMind – СОУ „Таки Даскало“ – Битола

MKSafeNet заедно со проектните парнери продолжува да гради заедница во која младите се охрабрени да учат, соработуваат и дејствуваат – за побезбедна и поосвестена дигитална иднина!